到底出現左咩野問題?
匿名
@guest · 已更新 25 Mar. 2021
23歲男性:其實我阿媽有二十三年抑鬱，依然不好，不幸地20%的機會遺傳了給我，小學時因天生性格靜，自此每年都被同學不同程度的欺凌，外面受氣在家裡發脾氣，直至六年前中三至中四的時候一個班長每次挑釁和欺凌下，每每忍受不住意圖打班長或自己突然痛哭，學業成績也不見理想，主因沒有溫習中四滿江紅，幾年後終於入到高級文憑讀第三年，但是情況不見得理想，被欺凌問題持續，沒有因跟我一起組隊做PROJECT成例，更嚴重的是任何幫過我的同學都會被一班欺凌我的人問為什麼要幫我?有一份黑社會的味道，如果再幫我就唔係自己人，連佢都一齊對付咁樣。去年6月去見政府社工，我終於碰到一個會幫到我的社工，一部份多年的情緒問題得到解決，之後9月我的媽媽又因為不知原因的疾病而進醫院兩個月，期間由我接送9歲的妹妹及25歲的哥哥返學放學(中度弱智)，因為家庭，所以我睇錢好重要，就算俾我股票或打工賺到錢都唔覺得開心，去年9月問題再度出現，媽媽病情不大好轉，我想花時間照顧媽媽，我想錢跟親情哪份重要，由於選擇了親情，所以有一段時間都在家照顧媽媽沒有去上學，都知道同學間又會有閒言閒語的，結果一段時間之後漸漸對上學產生恐懼，每次返到課室門口前都不敢進去，因為我對兩個班級裡的人心頭裡有一團憤怒，再受什麼刺激我真的會再打人或罵人，這裡是大專不是中學這句說話一直在我腦海中浮現，之後每日都這樣持續約十日都去找學校社工，結果叫我提早約見精神科醫生食藥同去見臨床心理學家，但精神科醫生認為無需要食藥，個臨床心理學家見完後，她做了智力評估及聽說我過去從小至大的情況，開頭說我不如出去工作一年等情緒穩定再讀書，心裡一句XYZ，到時返黎重讀到書?宜家走左到時重會收返你? 又話揀左個難讀既COURSE，其他工作都好有擔帶，例如建造業、7-11、賣面包，叫我搵下有咩工我自己岩做。心裡又XYZ，我係為左做呢D工我讀咩書?一早去做啦。 宜家最大既問題係每日朝早起身明明前晚晚上想返學，但係起身之後總係有種情緒困擾住令到我唔想返學，好想XYZ其他同學既心情每日都存在，D老師每每打電話來問的時候，可能他們身邊沒有朋友有輕性抑鬱，他就說會不會是你自己不想返學，我點會唔想?返到去罵人或打人想被人趕? 如果解決到呢樣野，我好肯定自己可以CLOSED FILE 耶穌基督我試過搵佢幫手，但好多年都好似冇幫過我，每每只係祈禱完短暫平安，第二日可以打回完形，成日聽人講聖經我好用心聽耶穌幾巴閉，但係點解次次我祈禱都冇用，莫非我真係衰到唔理我?我自己精神問題唔開心有D野唔係我想，我愈係唔想做既就偏係要做。例如耶穌叫我對阿媽屋企人好D，但係我始終都做唔到，間中控制唔到情緒，唔通耶穌就咁嬲左我?
🤖大神
@OeGod · 已更新
匿名
@guest · 已更新 26 Mar. 2021
我覺得你好叻, 完全唔似而家啲細路, 你有勇氣去面對, 你有堅強的忍耐力, 或由於你從小到大的家庭環境影響, 所以你成日收埋自己唔喜歡同人講嘢, 而人地又覺得你扮嘢唔鐘意你, 但這個社會真的需要埋堆, 做人也要學習圓滑, 同學間的欺凌事件到處都是, 如你所說, 你應該是很喜歡返學的, 但最主要唔想見到班人, 事實這樣下去真的很難受. 其實你之前說見過臨床心理學家後，佢叫你不如出去工作一年等情緒穩定再讀書, 及加上你媽媽的問題, 你可以用這借口同學校講, 因為你要照顧媽媽同兄妹, 所以壓力很大, 因此去看了心理醫生, 佢提意你暫時停學一年,希望校方同意, 一年後會返來再讀或重讀, 希望佢地留返個學位比你, 如果學校要証明, 你可以叫個醫生寫紙比你提交學校, 或者再叫社工幫忙, 如果可以停學留位, 我覺得是件好事, 起碼你可以唔再同這班人一齊, 雖然好似逃避, 但總好過你日日見到佢地, 又無法改變別人的看法, 而且如果成功你也可以減輕自己的負擔, 不過無論出去做事或返學, 你必須改變自己的態度, 就是要多啲微笑, 我估你應該唔多有笑容, 所以會令別人不接受你, 因為我讀中學時都是這樣, 家庭環境極差, 爸爸成日回家就要媽媽比錢佢, 日日家嘈屋閉, 家人又出現意外身亡, 成績極差這此問題學校冇人會知(成績你比我好得多,而且以前冇社工),可以咁講, 我每天都唔想返學, 中午吃飯自己一個去吃, 不過同學就冇而家啲人變得咁冇品,只是當你透明, 如果有一次, 有個女同學同我講, "你知道嗎 ? 你個樣好惡, 我唔係好敢望你", 我這時才知道原來啲人係怕咗我, 跟住就改變自己, 成日笑(微笑), 有時學下人地講笑話,學埋堆, 慢慢個人開心返, 需然在外面一個人,返家變回另一個人, 但當你有咗朋友時可以同佢地講下自己啲嘢, 咁個人又會鬆啲, 當然這個人必須要值得你信任才能同佢講心事, 因為我最討厭啲人用別人事非來交朋友, 所以我覺得事充足理由要求暫時停學未必學校唔接受, 你唔試過又點知, 到時唔得先再想辦法, 或者轉另一科, 或再問人提供意見(你喜歡可直接同我當朋友E我). 希望你能脫離困境, 如果你信有耶穌, 或者佢太忙未排到你所以要遲啲才能幫你,(因為我是無神論者), 你又冇做錯過任何嘢而且又咁生性佢點會嬲你, 相信自己相信未來, 明天會更好, 加油!
匿名
@guest · 已更新 26 Mar. 2021
我想提一些建議希望你能即速脫離目前困境.其實香港在屋邨長大的人, 好多都受過他人 [依浥] , 言語, 甚或[肢體或精神的欺凌] . 不過, 長大後, 出社會求學或任職都沒有後遺症. 你因較不能, [自我解脫] , 所以成日停留於困窘自閉的狹窄空間中. 要脫離這種心理輊梏的禁閉, 你一定要明白, 你以往的恐惧, 和憤怒都是不必要的. 你不是奴隸. 無人可以欺凌你, 無人有權針對你. 你見怪不怪, 其怪自敗. 你根本不必理會有人针對你,你可以轉校轉工, 脫離那些無聊人的影响. 你不要再成日忌住有人抨擊你或恐嚇他人親近你.,但, 你一定要明白, 自己成日掉忌別人迫害自己的想法,是無聊的,無謂的,無意義的事.不要用任何藉口逃避現實, 如果你急須養家, 你就去打工. 職訓局是合適的地方, 勞工處就業輔導組都是有效的可以幫到你的地方.如果家中不須你養家, 你就讀書. 唔好贍前顧後, 賴人賴物. 你可以讀職業訓練學校, 或夜校. 甚或自修.今日好多青年都係離開學校想讀書, 做工時又嫌工作無前途. 志大材疏 成日只識怨地怨天赖人賴物. 建議你咬緊牙艱, 唔好成日玩自我分析. 諸多借口. 一於要做乜就做乜. 先投入一個方向. 用心學. 用心適應. 好快, 你就可以在社會同其他人一樣, 創出自己選擇的人生.祝福你. 有志者事竟成也!
匿名
@guest · 已更新 26 Mar. 2021
吾好咩都懶人 / 耶穌 你自己問題應該自己搵方法解決 如 ; 抑鬱 : 可以去睇心理醫生 簡 course : 你自己好好去決定 , 做 d 咩有助搵工 好多事系自己先幫到你自己 !
匿名
@guest · 已更新 26 Mar. 2021
唔好再祈禱喇, 那是駝鳥行為, 自我幻想自我安慰自我催眠,對住空氣講嘢係解決唔到問題, 迷信只會覺得自己更無用.