唔明點解咁多人都咁懷念讀書時代?
匿名
@guest · 已更新 25 Mar. 2021
我讀中學小學果陣有成日比人欺凌, 完全係痛苦同黑暗既經歷, 呢D衰人仲經常帶動其他同學一齊集體欺凌我, 而同我曾經比較好傾既同學亦因為呢D衰人而疏遠我, 甚至出賣我/同我反面, 果陣一直過住以淚洗面既日子, 可以話叫破喉嚨都冇人知冇人理, 幾乎陷入抑鬱同精神崩潰既邊緣, 當時既感覺真係比死更難受, 可能唔多唔少因為咁搞到冇心機讀書, 成績亦搞到好差, 呢D感覺一直影響住我, 亦都一直走唔到呢個痛苦既漩渦, 亦因為唔多唔少呢個原因搞到唔敢去主動接觸新識既人, 亦唔敢再完全相信人同對人完全講真話, 因為好擔心再次受到傷害同被出賣, 開始唔敢再相信呢個世界有好人, 覺得大部份人都係膚淺, 甚至擔心連講一句說話都會好似中學/小學時代咁比人惡言相向, 我最擔心既人畢左業之後都好驚撞返佢地呢D衰人做同事, 實在好驚比人知道我有段咁黑暗既過去, 呢段黑暗既過去實在令我覺得好羞恥, 因為我相信大部份人都會睇唔起我呢類人, 甚至覺得我係自閉/弱智, 真係好擔心比人知道我有段咁黑暗既經歷之後會笑我同捨棄我, 亦擔心呢D衰人再次不停係其他新同事面前舊事重提同令所有新同事孤立我, 令所有新同事都因為D衰人既說話而當我係敵人, 搞到我係公司完全孤獨同自閉, 甚至因為聽左呢D衰人講既野而陷害我或者諗計令到我比人炒. 雖然我都有嘗試同自己講要主動識人同忘記過去, 但我仍然都係做唔到, 我真係唔想再咁落去, 好難得畢業後情況先開始好少少, 但係我依家讀IVE都係仍然識唔到朋友, 特別係分組做PROJECT果陣就好驚, 我真係唔想咁樣落去, 因為出黎做野係需要好既人際關係, 我真係好擔心因為咁搞到係職場既人際關係受阻, 我真係覺得自己搞到人際關係咁失敗完全係呢D衰人既責任! 真係想知呢D衰人點解冇報應! 覺得如果唔駛撞返呢D衰人做同事已經偷笑! 我真係唔明點解咁多人都話懷念中學既時代, 但我就絕對唔認同, 真係永遠都唔想再返到中學既時代, 對我黎講當時可以話係完全黑暗, 可以話冇野值得我留戀, 覺得自己畢到業仲生存緊已經係奇蹟. 比著其他人可能已經受唔住自殺, 我覺得講D咁既說話既人係完全未受過苦先咁講, 根本完全唔明白弱者既感受, 甚至將欺凌當係快樂既中學回憶, 到底D人可唔可以設身處地諗下!
🤖大神
@OeGod · 已更新
匿名
@guest · 已更新 26 Mar. 2021
被欺凌不是一件好事，這倒是。 然而你的中學生活真的是一點值得回想的事也沒有? 不知道這是不是一個極端如何的例子，但就我所見，我身旁有被欺凌的人總是會有忘懷地笑的時刻，總是有東西可戀的。 中國古代流傳至今的說話，大多老套得很，但有些卻因其中肯的智慧，而一直被人所用: 一件事如何，在乎你如何去想。 佛學過於精深，道家思想玄妙，儒家的又使我覺得在說教，西方聖經雖聽聞充滿智慧卻不易理解，音樂愈聽愈傷心... ...似乎難以自我開解吧，這便是負面的思想把自己推向牆角。 觀事角度很容易轉換，只是你一直不肯去努力，或怕去努力; 換過思想，原本精深過分看不懂的佛學思想原來上網就找到一大堆解釋、原來聖經去問問人就知道怎解讀、原來找一下其他歌手就能找到使人釋懷的歌曲! 換個句子，所有的事都迎刃而解了。 佛學叫作無明且不能放下、道家叫不能超越今生的喜悲、儒則叫作不努力達至仁、天主教就是不把事交給天主自己快樂去... ...以上的不過是個名字，以下也是: 換個角度想，努力去改變心境，所有的事根本容易解決的很! --------------------- 以下的是更難做到的: 去面對自己的過去。 若覺得以往是令你感覺被羞辱的，那麼你永遠走不出這個陰谷來。 如你所言非虛，那麼錯的又不是你，何來令人羞恥、又怎樣不敢說予他人? 正如上述，換個角度，面對了自己的過去，所有的事根本不可怕。 即使你失敗了，你依然只能一次坐一張椅子，一晚只睡一張床; 成功了也就只能一次坐一張椅子，一晚只睡一張床，既然你無所缺失，何不面對它? --------------------- 來些實質一點的說法...... 朋友從不會自己走來， 老實說我也沒甚麼朋友， 這是因為我從不去自己結識朋友、有人來的時候我拒人於千里。 對值得信任的人開心見誠罷，若因你自覺你的過去是不值於提的而使你產生自卑感而使他遠離，那不是他人的錯，是你的不是。 既然所有東西都重來了，那麼就得把握機會了。不然待有人開始欺凌你，所有壞事就得重演，機會可一不可再。
匿名
@guest · 已更新 26 Mar. 2021
(可能吾關你既問題)我e加小學,小5- -,,可能我吾似你地中學既哥哥姐姐咁唸咁多.可以我太天真..我仲想番去上年.我都系吾明自己,但我唸下唸下,系因為有1位好既老師,什至我e加仲同佢講埋上年既野,果時我系比成班女仔排擠,什至佢地系屈我,有d仲同埋家長講埋,個家長都叫佢地個女打比我之後話我.加上班男仔成日挽我.好多人問我點解會仲咁想番去.我上年都講詔吾會想記住呢1年,但我不知不覺地想番去...
匿名
@guest · 已更新 26 Mar. 2021
當然 比人欺凌系好慘既事 你更系唔會懷念 但系你有冇想過 依家出左黎社會 真心對人 人地系會感覺到 更何況佢地都唔知你以前既事 甘你可以同佢地好熟好熟之後 同佢地講返你既經歷 相信佢地會明白你既感受 同埋呢 青青期就係甘架啦 中意玩杯葛，欺凌 到大個既時候 佢地就會覺得自己以前好無聊好白癡 冇錯佢地大個左之後可能仲系甘 但系大個左，就識分是非黑白架啦，冇人信架啦 and than有一套戲叫 入面有一個角色paris 中學既時候比人笑 到左大學佢咪重新黎過，識到一班新friend咯 只要真心 系會比人體到，感覺到既
匿名
@guest · 已更新 26 Mar. 2021
唔明點解咁多人都咁懷念讀書時代? 我讀中學小學果陣有成日比人欺凌, 完全係痛苦同黑暗既經歷 ???? 系咪真系全部都系吾開心先 : 重有 D 事令你系開心 如; 遇到一D好老師／ 参加過一D 活動 能到你自己成熟 / 有得著 欺凌過你的人 : 咦家都可能改變做反好人 所以你都吾需要介懷
匿名
@guest · 已更新 26 Mar. 2021
其實我亦都有好似你甘既經歷,甚至被一D壞同學欺凌到想轉校... 但係我係個陣時知道我既心理需求係搵一D我 {剩餘}既fd傾下-----至少吾洗自己屈埋係個心到 而你話欺凌你個班人,如果宜家仲針對你,做埋 li D野,就只怪佢地吾太成熟,同埋吾好將佢地成為你係工作或學業上暨負擔!! 中有你話中學既時代可以話冇野值得你留戀,如果你覺得個陣時係一段悲慘暨回憶,忘記同不忘記都係你既選擇,你做唔到忘記過去 li 樣野,只是你太過緊張自己暨前途,試下放鬆少少同埋樂觀D ,自殺吾係惟一暨辦法,吾自殺至少有一缐暨機會去解決. 仲有你太軟弱同善良都吾係一件好事,甘樣只會繼續重容班欺凌你嘅人 做人亦吾好太被動,只會做成有d人太主動 以上嘅野就係將我走岀陰影嘅方法 希望我會幫到你 la!! 祝你永遠開開心心!!! =)
匿名
@guest · 已更新 26 Mar. 2021
呵，這也是讀書時代每個人所經歷的不同吧，有快樂也有痛苦的環境中長大