匿名
@guest · 已更新 26 Mar. 2021

其他part time員工個個都有得休息同放飯，但就係我冇，仲要琴日有個客問我同埋個美容顧問一D有關面膜既野，我地答完佢之後，經理無啦啦走黎話我同個美容顧問傾計，之後係堆客面前鬧我，搞到人地果個客勁唔好意思咁同我講對唔住 另外，經理之前見工果陣講過話part time係有時間休息，但而家真係做落就冇!! 我係同我個fd一齊去見依份工既，佢地對我個fd好好，但就係咁針對我，做得唔好鬧係正常，但做得好佢都係到雞蛋裡挑骨頭!!

匿名
@guest · 已更新 26 Mar. 2021

「經理之前見工果陣講過話part time係有時間休息」 打小左字，係 經理之前見工果陣有講過下話part time係有時間休息(只係提一提過同埋口頭承諾黎) ↑先岩 今日有個客係零食同奶粉果邊問我野好耐，點知就比個年紀大既女職員話我偷懶!!仲要明明佢自己係到hea，但話係我有問題!!

匿名
@guest · 已更新 26 Mar. 2021

去人事部投訴該經理既惡行，雖然人事部未必會做野，但都有可能會循例問下經理咩事，等個經理知你唔係好欺負，當然啦，你自己都要樣樣事執到正，千祈唔好比經理捉到你痛腳經理事後有可能投鼠忌器，唔敢再蝦你，亦有可能會變本加厲，更加無理取鬧 2014-07-06 15:56:21 補充： 我有個朋友，佢之前個上司又係好有問題（唔關工作問題，真係針對緊佢），不過因為某些原因，佢唔想走，以為可以忍到（而且其他人都勸佢忍耐，話佢唔可以咁任性），佢就係咁每日做忍者，忍足幾個月，終於都係忍唔到要走人 其實佢都好慘，忍到最後忍唔住先走，重要比人話佢任性，做唔長份工，但係其實佢已經忍到有少少抑鬱 其實我想講既係，如果只係未能適應份工作，咁就梗係要比多D時間落去啦 但如果係有人針對你而玩野，就唔好忍，亦唔應該忍，因為佢唔會因為你既「忍耐」而良心發現，只會越來越過份

匿名
@guest · 已更新 26 Mar. 2021

你好，我地一定支持你的。　(◕‿◕✿) 簡單ｄ講啦，只有兩條出路，一係唔做，一係繼續做。 如果選擇唔做，咁你要諗清楚，係咪真係自己唔適合呢份工，定係只係自己唔捱得？其實無一定話邊個岩邊個錯，如果真係工種問題，咁唔需要怪責自己或者人地。另一方面，諗下會唔會做第二份工都有相同的問題？ 如果選擇繼續做，咁你就要改善情況。改善情況唔代表要改變自己，例如你可唔可以請教其他同事，因為佢地經驗多ｄ，又可唔可以同經理解釋一下，指出自己新手唔熟悉工作，遲ｄ會改進。記住如果選擇做落去，就唔好成日有負面情緒，因為你係做服務性行業，一定要保持心境平靜，如果黑面或者唔開心對住客人，咁就好麻煩。 2014-07-06 15:45:19 補充： 其實做工係辛苦的，特別係要面對唔同的人，有ｄ人總係唔會認同你。 呢份係你第一份工，咁當拿多ｄ經驗，也鍛鍊一下自己的EQ。總之唔駛太灰心，盡力做好自己的本份，試下係唔同的環節學多ｄ野，識多ｄ唔同的人，對於你將來會有好幫助，你而家只係好年輕，將來仲有好多日子要過～所以而家試多ｄ係岩啦～ 至於你話企得太耐好攰的問題，呢個你要習慣一下，因為我相信其他員工都係咁，你試從好的方面看，起碼你在店內有冷氣～在外的工人不斷日曬雨淋～ 如果真係身體支撐唔到，可以坦白同經理講，只要你唔係偷懶而係真的，咁無人可以怪你，包括你自己。記住而家當係試下先，只要盡力做就可以，無話呢份工要做一世。 2014-07-06 15:47:35 補充： 小心保重身體～ 我諗為左表示自己唔係唔捱得，你最好都係唔好咁快quit住，睇定ｄ，起碼一邊做一邊試搵其他工。 記住去到邊都要做好自己，對人的態度要好，處事要認真。 盡左自己的本份同埋能力，其他人講咩無理的野都唔係自己的錯～ 一定有明眼人見到咩事既～ 祝你好運～ 2014-07-06 15:48:59 補充： 彩虹女神 都講得好岩～ 你都可以試下同唔同的同事討論一下工作的情況，睇下大家的睇法先～ 咁就會不至於太衝動～ 2014-07-06 16:15:44 補充： 你講得好岩～ 真係要視乎番當時各自的情況先可以作出決定～