匿名
@guest · 已更新 26 Mar. 2021

我係香港長大, 係香港讀正統ge中小學, 亦係加拿大讀過書. 回港後都有繼續係香港進修讀到碩士, 做過全職中學及專上學院老師或講師, 而家係做part time導師或講師, 教學前後都有二十年啦! 咁那種老師我會欣賞? 以下係我欣賞老師ge其中一啲必要條件: - '面口'要友善, 學生遇到唔明時, 想老師再講一次時, 老師要有'和謁可親'ge態度同面口耐心地應對, 唔好有個'令學生覺學生好煩個樣'; - 說話要清晰, 唔會一輸咀只會一味係咁講書, 而唔留意學生明唔明, 會留意自己講書會唔會太快; - 唔會'死版'咁教, 唔會只'讀出'書本同筆記ge內容, 教學時會加上生活內容係課堂裡面; - 會留意學生'興趣', 講書時會令課堂有'生氣', 例如見到學生覺得課題太悶時, 會講下笑話令氣氛'好轉'; - 知道每個學生'優點'同'缺點', 係適當時候'加以鼓勵'或'讚賞', 學生好想老師'明白'同'體諒'佢哋, 例如佢哋唔舒服時老師會體諒佢哋, 唔好係咁迫學生要'好留心聽書'; - 唔好只用死同一套教學方法教書, 要知道updated ge社會'風氣'同'文化', 時時改變教學方法; ... 可能因為自己都係老師, 而家係多間機構做part-time老師, 所以一直都留意'受歡迎'ge老師ge特徵, 加以'學習'及不停'改良'教學方法, 都好彩羅過二次優秀老師奬項, 所以對老師都有啲'心得'! 而家教書都要'活', 唔係好容易會'飯碗不保'! 希望老師們都能令學生覺你係佢哋欣賞老師ge其中一個!

匿名
@guest · 已更新 26 Mar. 2021

我今年升中二，我間中學嘅老師全部都好好人，但係有一個老師我真係超 鐘意佢。佢係我中一正班主任。上堂偶爾會分享啲好有趣嘅事。 佢黑白分明，有時我留係學校好夜先番，佢都會叫我小心啲，佢又年輕又 靚女，不過當然樣唔係問題，性格先係重點。佢認真時認真，又好開得玩 笑，佢讀香港大學，好有學識，我做功課唔明佢會好有耐心一步一步教我 ，直到我識為止。 佢亦都會做民意調查，問下啲學生佢有咩做得唔好，之後就會改，其他老 師都同佢好好朋友。佢好有禮貌又好幽默，同班嘅同學唔係幾鐘意佢，可 能因為佢認真時有點嚴格，但係我就係打從心底欣賞佢。 其實佢平時同學生好玩得，但係又唔會失左教師同學生之間嘅尊重。佢係 我由細到大唯一一個我真心欣賞嘅老師，主要原因係其他老師根本就冇嗰 種開玩笑時開玩笑，認真時認真嘅性格。

匿名
@guest · 已更新 26 Mar. 2021

我鍾意比較文靜的老師..

匿名
@guest · 已更新 26 Mar. 2021

有學問又文靜..........

匿名
@guest · 已更新 26 Mar. 2021

i love the teachers with passion to educate the next generation, who are willing to devote their time n spirit to educate the young.