兒子在家吸毒唔肯戒,報警有用嗎?
匿名
@guest · 已更新 26 Mar. 2021
一年前搬屋讓細仔有自己房間之後,半年前我在其房內發現有兩粒冰毒和吸食工具,苦勸無效,更拒絕見社工,佢話:"我可以唔食就唔食架啦! 就算你拉我去戒,出番黎我都會食番!",我奶奶話唔好自己人報警拉佢,我無法,現唯有搬回2房單位,令佢無自己房間要瞓聽,我都知呢個唔係辧法,我和大仔返工之後,佢就會在聽食,而且我有養狗仲會危害狗狗健康.佢叫我俾錢佢出外租屋住,我怕咁只會令佢更加泥足深 不能自拔,會走上不法之路,最終唔比警察拉就係比人斬,如果佢不在家時我發現佢藏有冰毒同吸食工具而報警,同當場見到佢在吸食而報警,會有什麼分別? 我應該報警拉佢嗎? 好希望有人能指點一吓我該如何是好! 因我真係唔知可以點做好!
🤖大神
@OeGod · 已更新
匿名
@guest · 已更新 26 Mar. 2021
報警系冇意思 , 出反黎又再吸過 要幫佢戎 我建議你 : 香港長洲石鼓洲復康院 宗旨 圖片參考：http://www.sarda.org.hk/images/misc/bullet1.gif 費用全免
匿名
@guest · 已更新 26 Mar. 2021
妳覺得你奶奶嘅意見應該聽嗎? 你個仔叫你俾錢佢出外租屋住/贊助佢買毒品, 妳都俾嗎? 有冇搵過社工睇吓有咩意見? 如果係我, 我會同個仔講, 如果佢唔戒毒/繼續羣道友, 就叫佢自己出去住, 自己養自己, 唔好累屋企累人累物陀衰家, 假如妳自細縱容到佢今日咁地步, 又繼續縱容/支持佢做道友, 咪全家一齊衰落去囉.
匿名
@guest · 已更新 26 Mar. 2021
要!一定要報警送佢入戒毒所.家中有一位道友.肯定會害到全家人.或者被偷窃.或者捲入欠債收數嘅兇神惡煞嘅尷尬事.而吸惡嘅人,迷失本性.衹知毒癮發作時六親不認,衰衰咁.但求頂癮.有時日日發作.有時三五七日黎一次大鑊嘢.毒發時無晒人性.對親人尤其危險. 報警送佢入戒毒所,是最最正確的方法.唯有澈底戒除毒瘾佢至可以重新做人. 由得佢.姑息佢都唔係辦法. 一於的起心肝.到附近警署或民政署求助喇.毒癮不除.衹會祸害家人祸害社會.禍害他自己!
匿名
@guest · 已更新 26 Mar. 2021
見到你都好擔心仔仔既情況, 而佢地持續咁吸毒既話, 其實對身體既傷害都會越黎越大~ 不過, 我諗都要了解番仔仔吸毒既原因先, 對症下藥, 先係有效既方法呀~ 我唔敢講報警拉佢係咪一定最好 但我覺得你都可以問下自己先, 其實你係咪都真係想佢俾人拉？ 定係你係想佢好好戒毒？ 我都知道一d有關衣方面既資訊, 如果你想詳細咁傾多d, 可以add我~~~ Facebook: [email protected] Email: [email protected]
匿名
@guest · 已更新 26 Mar. 2021
你報警可能個仔會怨你,不過,無論點都好啦,做父母的,一都想子女好啦,佢家陣盲算唔明,你都要做你可以做的,拉佢去戒,去戒毒所,一次唔得就兩次,多多都要逼佢.而家唔做,對佢身體仲傷,係永久性的傷害,將來亦係佢人生中一大污點,真係為佢好就狠心d啦.我雖然只係一個高中生,未為人父母,但係連我都明咁樣係最好的,希望戚唔好再拖啦,去啦,將來佢就明架啦.過程中佢會好辛苦,記住去探佢,支持佢,就算佢唔諒解你,恐言相向,拒見,你都唔好灰心,要去探佢.俾佢知道係你心中佢唔係一個麻煩,你唔係因為唔要佢所以先咁做.加油!
匿名
@guest · 已更新 26 Mar. 2021
【嚴父出孝子、慈母生敗兒】 既然屢勸不改 ~~~ 唯有大義滅親 ^^ 他今日無知的怨恨........... 總好過日後嫌你管教不善的懊悔!!!! 你想佢好就; 報警兼上庭時求過法官送去沙嘴勞教所 因一般青少年戒毒中心不單不能令他改過,反而認識更多志同道合. 你想佢死既咪; 當乜都睇唔到囉 ~-^ ......................