分手後,她還叫我出街,請問應唔應承佢好?
匿名
@guest · 已更新 26 Mar. 2021
我同佢已經分左手5個月有多了,但是最近她聯絡返我 同我講:你差我一餐 (因為我在未分手前應承會請佢食一餐,但係佢之前已經唔記得左了) PS我同佢平時唔會點出街食,佢話好曬錢,所以呢餐係因為某D原因而請佢食 我之前講:你仲記得架? 佢講:我最近先記得返 之後我就講遲D先~ 但係講完之後,過幾日佢又問我幾時食? 我答佢,你定吧 我想問幾個問題 1.佢點解會主動聯絡我講你差我一餐既??? 2.佢既目的係? 係想完成埋我同佢之間所欠既野?達成冇拖冇欠? 定係想再見返我? 3.如果我想拒絕佢要點講好? 4.如果我係應承左佢去,我到時怕唔講野整係食野,應該如何是好? 我唔知應該點做 我本人其實唔會點拒絕人既,何況佢係我喜歡既人黎 分手係佢提出既,原因:影響佢讀書 仲有,呢餐唔知會唔會有佢FD出現,因為佢同一個女FD好熟 希望大家幫幫手分析下,建議下我係唔係應該請佢食好 分數唔係問題,最主要係可以解決呢個問題
🤖大神
@OeGod · 已更新
匿名
@guest · 已更新 26 Mar. 2021
我想再補充 雖然我係唔介意請佢食 但係我唔想佢聯絡我既目的係為左攞埋我果餐 如果真係咁我係唔會請(就算係1$都唔會) 我想問一樣野,其實女仔如果分左手之後會唔會對佢前男友態度唔同 或者係會唔會性格改變? 有冇方法可以測試佢係唔係為左食埋我果餐? 佢係巨蟹座,會唔會關星座事? 其實我係一半想去一半唔想 想既原因係我想再見佢啦 唔想既原因係唔想佢係為左拎著數
匿名
@guest · 已更新 26 Mar. 2021
多謝咁比既意見 但係我仲未肯定到我請唔請佢食好 如果係以我同佢之前相處所得出 佢應該係想見返我既(個人主觀) 但始終旁觀者清 所以我補充多D資料,希望大家用客觀角度幫到手解決佢係咩目的 因為佢同我互相都係初戀黎 並且一直都冇吵架,只係2次比佢誤會(佢誤會我罵佢) 之後佢就講同我拍拖令到佢成績差左好多(因為佢要面對拍拖+讀書) 最後就講了分手(不過佢後來又講只係暫停拍拖) 但係我當佢係分手黎睇,仲丑到係佢面前喊過 之後我DEL曬佢所有聯絡(但冇封鎖到),目的唔想再睇到D令自己喊既野
匿名
@guest · 已更新 26 Mar. 2021
1. 同 2. 係同一條問題：有可能係想同番你一齊。 3. 坦白講你唔想去的原因，其實你都無講清楚。（怕尷尬？唔得閒？驚會發生咩事？） 4. 諗定同佢講咩，再執生。 你都唔駛太緊張既～（雖然都係好正常） 有時始終要隨緣，避唔到咁多～ 如果你唔想見到佢（你又唔似），但又唔想傷害佢既，咁你可以話唔得閒既～ 至於佢個fd的出現與否問題，如果你真係約左食飯既，咁好應該問清楚呀，唔駛估估下～ 你自己準備定所有可能性，唔好抱太大期望，亦都唔駛太悲觀。 佢有可能只係想達成冇拖冇欠，無乜特別意思，但亦有可能想見番你，甚至同番你一齊。 但呢ｄ野無外人可以確定咁講～ 所以你有哂所有心理準備啦～ 有時ｄ野要視乎個人性格和習慣，先知道佢的取態係點～ 如果你自己係仲想同番佢一齊既，咁你都無必要瞞住佢～ 你可以直接話佢知，始終之前要分開的係佢，唔係你～ 而且而家提番呢件事果個又係佢，唔係你～ 你也沒做過理虧的事。 如果可以大大方方，咁大家都可以舒服ｄ既～ 不過講番轉頭，如果真係你之前應承左呢一餐，咁道理上你都應該還番呢一餐既～ 如果無咩特別咪睇下佢想點囉～ 大家都唔係陌生人，唔駛太顧忌啦～ 放鬆ｄ啦！ 2013-08-09 17:01:59 補充： (1) 我理解，但始終你的確是欠了她一餐，所以係攞著數你都要硬住頭皮請埋呢次。 (2) 態度方面，呢個的的確確要視乎個人（唔係廢話），有ｄ人做人係好執著既，有ｄ人則好隨和的，我地唔認識當事人唔可能判斷到咁多。 性格改變唔係話唔會，但係我們做人日子久了必定會觀察到品性難移的道理。 唔好認為人會變。即使表面變左，內裏都仍然係大同小異。 (3) 其實真係無必要測試，因為你都唔會sure個答案。反而你可以坦白同佢講，你想見佢，但如果只係食飯咁就唔想。 星座絕對唔關事（別讓星座專家見到我～閃～！）。 (4) 正如上面說，真係拎著數都無計啦～ 真係要大方ｄ，雖然而家做男仔真係好難。 2013-08-09 23:02:49 補充： 首先，有一點要更正一下，你之前係佢面前喊絕對唔係醜事。 反而係代表你認真，你在乎。對感情認真係值得尊重的事，何醜之有？ 不要讓一般俗世看眨人的眼光傷害自己。 其實我覺得你要好清楚畀佢知道一樣野，就係佢之前想分開既呢個決定好傷你的心，佢一定要知道呢點，你唔需要扮堅強，只應該勇敢地面對自己的感覺，也要告訴她。這是你們兩人之間的事，你們兩人都要知道。 如果佢有一顆善心，即使佢無錯，佢都會因為你傷心而難過，因為始終你都無做錯事，是她主動要求分開的。所以，你就坦白同佢講，如果只係為左食飯的承諾而沒有其他，咁不如唔好見，免得自己又再受傷。因為你地都已經認識了對方，不應該再試探啦。
匿名
@guest · 已更新 26 Mar. 2021
再見亦是朋友 ： 分左手都可以做朋友 ， 加上佢系女仔 ： 系有需要有個朋友系身邊 支持佢 ／ 關心佢 （ 做朋友的 ： 一生互相鼓勵 ／ 傾訴 ） 系好事 佢未必一定想復合 ， 只想有個朋友
匿名
@guest · 已更新 26 Mar. 2021
唔好去, 妳嘥錢嚟都多餘. 分手原因:影響佢讀書, 等於女仔搵藉口分手話:阿媽唔俾拍拖. 一樣都係廢話. 唔關星座事. 妳將時間心機用嚟搵過個好過啦.
匿名
@guest · 已更新 26 Mar. 2021
1.佢點解會主動聯絡我講你差我一餐既? 有兩個可能: 可能1) 你欠佢一餐, 當然食番夠本拉, 佢都唔中意你, 唔洗同你慳 可能2) 乘機試探你的反應, 想同番你一齊 2.佢既目的係? 係想完成埋我同佢之間所欠既野?達成冇拖冇欠? 以在問題一答了你 3.如果我想拒絕佢要點講好? 你確實欠佢一餐, 女仔覺得男仔拒絕代表你唔大方, 如果你唔mind 佢點諗你, 你咪拖得就拖, 每次佢搵你, 你咪話唔得閒, 等你得閒再搵佢law 4.如果我係應承左佢去,我到時怕唔講野整係食野,應該如何是好? 咁你想講咩咪講咩law , 如果你發覺對住佢冇野講, 咪唔好講law, 或者佢有野講呢 P.S. 如果個女仔帶埋個FD 出黎食你呢餐飯, 睇黎佢只係想食番一餐, 咁你就咩都唔洗諗拉
匿名
@guest · 已更新 26 Mar. 2021
每個人都有寂寞的時候,我想她約您出來食飯,用意都是想有個熟人可傾訴心事啫﹗不要太過敏感,作為相識一場,應酬一下都無問題的。
匿名
@guest · 已更新 26 Mar. 2021
建議下我係唔係應該請佢食好 姣婆守唔到寡, 出去應酬下會有意想不到著數.