婚前障礙煩惱
匿名
@guest · 已更新 26 Mar. 2021
本人有個煩惱, 我同男友拍拖十個月,都以結婚為目標, 同佢父母, 親戚見過幾次面, 食過幾次飯, 但男友父母不喜歡我, 但同佢父母見面時沒有表露出來, 現在講到結婚, 佢父母話我條件不好, 年紀大(三十四, 男友大我半年), 學歷低(中五, 男友碩士), 身體唔好, 因為瘦, 唔想我地結婚, 我自問都是一個好女仔, 無不良嗜好, 樸素節儉, 純品, 但我好難得先鍾意一個人, 唔想放棄. 男友又話鍾意我, 好苦惱, 左右做人難, 佢有同父母傾過, 但佢父母好表面, 覺得個仔可以找個更好的, 佢媽喊晒口, 搞到好可憐咁, 唔想我地一齊. 男友自小受父母保護, 孝順仔一名, 佢希望得到父母支持, 但我覺得冇可能, 我都好煩, 請問大家有什麼寶貴意見提供去解決呢?
🤖大神
@OeGod · 已更新
最重要的是不要放棄自己，要相信自己的價值和能力，無論結果如何，都要對自己負責，不要讓他人的言語影響你的自信和決心。希望你和男友能夠一起克服這個困難，走向幸福和美好的未來。祝福你！
匿名
@guest · 已更新 26 Mar. 2021
多謝各位意見! 我男友經濟能力不錯, 精打細算, 佢同細佬是家庭支柱, 因他父母沒有工作了, 佢父母嫌我瘦, 怕我有病, 男友問我有冇做身體檢查, 我話上年做過, 一切正常, 佢話佢好理智, 最好比份報告佢父母睇, 會安心D, 我話你唔信我, 佢話唔會逼我. (你話比佢定佢父母睇呢?) (男友叫我相信他, 俾些時間, 他會解決的) 你們認為怎樣呢?
匿名
@guest · 已更新 26 Mar. 2021
最近男友提到結婚, 想話出年先,又話過咗清明, 我話要等咁耐, 我地又唔擺酒, 好簡單, 但我好想今年註冊先, 個心安定D, 又想早些生BB(我怕佢有變化), 佢話都唔急於一時, 你唔想搞過大禮這些事嗎? 我話你父母都唔鍾意我, 都唔搞啦. 我父母好開通, 只要我開心, 幸福, 旅行結婚冇問題, 繁複禮節可免.
匿名
@guest · 已更新 26 Mar. 2021
男友同佢阿媽傾過,(你都想我開心, 你都鍾意佢啦之類說話,佢媽話要些時間接受), 但我覺得男友遲遅都唔想結婚, 係想佢媽接受我, 我話你預咗唔接受, 佢話到時照結. 我覺得男友好似唔夠愛我, 如果好愛就好快結婚, 我身邊朋友拍咗大半年都結婚了, 我都好心急了. 我同佢講想早些結婚, 佢又話遲D先, 要D心理準備, 好似唔知佢想點, 我就好唔開心了. 你們覺得我男友對結婚態度怎樣? 係咪拖字決?? 我要怎樣做呢?
匿名
@guest · 已更新 26 Mar. 2021
問題好在乎於經濟能力, 如果婚後是要同家人住就基本上唔 work, 你死心吧 ! 老人家基本上是說不通的, 除非發生D事另佢地明白 .... 重新認識你, 否則佢地心入面係唔會再接納你了。 話需結婚是兩人的事, 但不要天真吧, 父母一定會阻礙到你們的生活 所以如果婚後會搬出來住就會好一點, 至於老人家還是要小孩的吧, 可以從呢個途徑想想。其實決定成功否還在於你兩感情, 同你男友的想法, 經濟能力也是重要的因數。 如果三樣野都成立 , 感情非常好, 你男友撐婚事, 你地有經濟能力 ! 那不用多想, 去實行吧 .... 基本上不到他們向現實低頭。 2014-10-09 11:46:55 補充： 愛情建基於雙方互相信任, 那既然他有信心解決, 當然相信他啦 ! 報告是可以給看吧, 以消除各方疑慮 ! 現在不是鬥氣的時候, 是想件事完滿解決, 雙方一定要同一線 .... 如果還要鬥氣, 倒不如分開一了百了吧 , 對不 ?! 佢父母有問題, 無得選, 你要一起就要面對, 總之都係果句, 一定要搬出來住, 呢個問題一定要雙方有共息 ! 2014-10-13 15:20:00 補充： 男人的想法跟女性是有分別的。一般來說結婚對男性來說始終有一定壓力, 是改變個人生活的問題, 所以都會猶豫, 就好像轉工一樣, 也不會話轉就轉吧。 這也不代表他不愛你, 只是還有點逃避吧, 但至少有結婚的日期給你啦 ! 講真男人也怕迫, 反正會結就互相遷就吧 ! 既來之則安之, 是你的始終是你 ... 佢既然可以為你跟母親對抗, 你也不要再節外生枝, 再給點時間看看也是件好事。
匿名
@guest · 已更新 26 Mar. 2021
咁你咪相信他, 俾些時間佢, 等佢解決囉. 都就結婚啦, 你唔係唔信佢丫嘛. 唔好諗太多, 一陣連佢都有婚前障礙煩惱 就麻煩.
匿名
@guest · 已更新 26 Mar. 2021
我相反覺得佢父母人格有問題: 只系睇人吾好一面, 中五咪中五, 只系你人品好就OK 咦家系結婚, 吾系見工... ( 關中五咩事) 2) 如果要個仔同另一個吾鐘意女仔一齊 會好辛苦, 佢地又吾諗下仔感受 ### 你亦可以重考大學 , 增值 ( 甘佢地冇聲出 )
匿名
@guest · 已更新 26 Mar. 2021
你和男友己屆法定的獨立年齡,和誰結婚根本完全不必得到父母同意.現在最關鍵的間題,不是男友的父母,而是你男友本身的取態,你可坦白地向男友說出你的意願,兩人自行去辦理結婚登記手續,誰也不能阻止.等完成一切法定手續後,相信男友的父母也阻止不了甚麼. 相反,若你男友仍然支吾以對,是對你的感情尚未深,或事事要依賴父母,缺乏獨立的能力,則你要對婚姻問題重新考慮.
匿名
@guest · 已更新 26 Mar. 2021
你男友都快四張，仍然事事父母為重(好擔心佢喺咪與父母同住)，咁佢經濟能力都相當有限，可能仲係裙腳仔一名，你要好好考慮，避免代人湊仔。