沒朋友...覺得自己好孤獨...點算?
匿名
@guest · 已更新 26 Mar. 2021
我自己本身性格比較怕羞,內向,說話不多。我係學校無人想同我做朋友，無論係小息放學都係自己一個人，成日都覺得自己好孤獨。見到D人係埋一齊傾得咁開心，玩得咁high，我真係有D羨慕...但係我又細膽，唔敢同班上嘅同學溝通，而且都同佢地無咩話題好傾，所以班上D人都無乜點理我，仲成日覺得好寂寞、好孤單。其他同學好似成日瞪住我咁，攪到我返學都有D驚(可能係我心理作用) 有時我會為呢樣野而煩惱，想喊出黎但係又喊唔出...我依架成日覺得自己好沒用，好想去死，認為自己生存係呢個世界根本無意義。就算我消失係呢個世界，都無人會替我傷心難過。我又諗自己係呢個世界又有咩價值?我依架覺得無人關心我、無人了解我。(由於我爸媽工作忙碌,所以好少傾心事...)但我又驚人地嫌我煩，所以無朋友都係自己攞黎。其實...我有冇做錯?孤獨有罪嗎?我好想識到朋友，但係又克服唔到自己怕羞呢個缺點，我依架好亂呀... 其實我都想有一位知心的朋友，可以一齊吹水、玩，同渡難關，關心嘅好朋友。我應該要點做至好呀?
🤖大神
@OeGod · 已更新
首先，要克服自己的怕羞和內向，可以嘗試主動走出舒適區，多參加學校或社區的活動，與人交流，慢慢擴大自己的社交圈子。也可以考慮參加一些興趣班或社交團體，找到有共同興趣的人，逐漸建立友誼。
此外，要懂得珍惜自己，不要輕易以自己無價值而否定自己。每個人都有自己的價值和特點，只是需要找到適合自己的方式展現和發揮。也可以尋求家人或專業人士的幫助，分享自己的感受和困惑，透過正確的指導和支持，找到解決問題的方法。
最重要的是，要給自己一個機會，相信自己可以改變和走出孤獨，擁有一個快樂和充實的生活。記住，你不是孤獨的，一定會有人在關心和支持著你。希望你能夠找到屬於自己的朋友，共同度過美好的時光。加油！
匿名
@guest · 已更新 26 Mar. 2021
沒朋友...覺得自己好孤獨...點算?1) 多出外活動 / 參加比賽 2) 參加校內課外活動 或班會上事 : 做文書 / 康樂 3) 你自己都要主動約朋友出街 ### 一個人吾會悶 : 有好多事可以做 ( swim / 去新地方 / 反教會 ......... )
匿名
@guest · 已更新 26 Mar. 2021
樓主你不是孤單的;P 呢度都有同你一樣既人~ 我中學時無乜朋友，有段時間lunch都係得自己一個食, 次次要分組果d都係自己突左出黎.... 而且又成日凝住有人係度望+笑自己-_- 其實唯一解決方法就係轉換新既環境，即轉班/轉校... 除非真係突然性格大轉，改變自己現有image去主動識同學...如果唔係我都明白要突然去同d同學溝通其實唔係易事-_- 不過都留意下班裡面有無其他自己一個既同學，有既話就可以去勾搭下佢做fd~ 就算真係響學校無fd，唔緊要，去校外識都得吖~雖然我中學一個fd都無...但無所謂啦，反正我都有一班可以交心既網友;D 放假都會一齊出去玩，個人慢慢開始都無再咁怕羞。當然，要識左好一段日子同埋確定對方係真心想做fd先會一齊出去... 唔知係未同網友出左幾次街壯大左個膽, 到後來都可以同少數熟絡既同學正常交流到，不過對住唔熟既完全唔咁講野...(以前真係一日響學校講少過五句話...或者甚至更少.. 所以建議樓主可以join下d興趣班, 或者上forum/聊天室搵人吹下水之類 朋友呢d唔一定要係學校識，係班裡面識唔到朋友，可能係代表大家無緣姐。走出學校呢個範圍大把機會比你搵到可以一齊玩、渡難關既好友(^o^) 樓主有心事或想吹下水做fd既話隨時歡迎喔~ fb: [email protected] whatsapp: 63496180
匿名
@guest · 已更新 26 Mar. 2021
見到你對學校感到有d絕望,而且有d孤單! 甘不如你可以試吓主動識人,又或者可以系學校參加一d較有興趣的課外活動去認識身边唔同的同學仔透過相同興趣話題去了解多d對方 同可以嘗試揾學校社工去傾反同跟進反自己的問題!你又或者可以試吓fb/wts同佢地傾傾再試吓主動面對面同佢地傾 仲有學校可能有d group project多d同組員去傾,可能令你認識一d同學/朋友!而且你又冇做錯, 孤獨都冇罪架!嘗試慢慢比時間去改善內向怕羞的問題 加油!有我地陪住你,希望你可以克服到里d問題! 如果你想搵人傾都可以搵夜貓online架, 網址係：nitecat.bgca.org.hk, 又或者可以fb/skype: [email protected] or whatsapp 91703714= )
匿名
@guest · 已更新 26 Mar. 2021
你冇做錯,只係性格不一,5可以怪你 如果你死左,父母會好傷心,佢地工作忙碌,都為左尼個家有更好ge生活條件,所以你5可以咁容易放棄自己生命架!你諗下尼個世界,有好多人同你一樣咁,點解有部分人寧願去死都5肯面對孤獨.孤獨只係人生ge一部分,就5可以堅強落去? 其實你可以嘗試變得開朗,令人覺得你係比較容易親近,佢地就會慢慢同你變熟 因為你說話不多,可能有d人覺得你好難捉摸,所以冇人會g你想點架 多d參加團體課外活動,就可以識到好多朋友 or如果你有能力ge話,可以讓成績傑出,等大家記得你,組隊哥陣第一個就搵你 怕羞呢個缺點,係要自己壓制,當踏出第一步,已經係差5多成功架啦 加油ar~!!!