父母幫子女改壞名係咪要負最大責任?
匿名
@guest · 已更新 26 Mar. 2021
我個名同個藝人同名同姓, 由細到大都比身邊同學笑我個名, 搞到我好尷尬, 好驚人地會知/叫/問我個名,當我開學果陣個心就好驚, 因為一點名果陣就會比同學係咁笑同注視,諗親都覺得好尷尬..... 甚至因為只係比老師/同學叫我個名都會搞到心存憤恨同敢怒不敢言..... 亦好痛恨父母幫我改過咁既名, 唔多唔少因為咁搞到慢慢唔敢同人接觸, 令我永遠走唔出呢個陰影.... 雖然係有得改名姐, 但要自己同父母重新適應都係一件好難既事, 而且父母都好大機會反對..... 就類似事件, 我真係覺得父母要負最大責任, 竟然幫子女亂咁改名黎害子女, 到底父母幫子女改名既時候有冇考慮過子女既感受! 知唔知道咁樣子女會好痛苦! 到底有冇明白子女既感受! 令到子女係日常生活受到一定既困擾, 呢種行為可以話係同推子女去死冇分別! 輕則可能會影響子女既身心發展, 令子女日日比人笑到冇晒自尊, 甚至同父母決裂/搞到抑鬱/自殺傾向, 重則可能會好似是朕事件/小小燕子事件/凌晨一吻事件/常x潮事件(唔知請搜尋)咁突然上新聞由普通人變為網絡名人, 令到全世界都識自己, 日日出門都可能要似藝人咁提心吊膽, 就咁大半生都可能比父母毀左! 真係想知道到底d父母幫子女改名果陣有冇諗過呢個問題發生!? 萬一因為咁而造成無法挽回悲劇事件既話, 就算父母點補償亦都於事無補, 子女既一生前途就咁比父母斷送.... 我認為自己算身受其害, 所以對呢d新聞特別有好深既感受, 好清楚比父母改壞名既感受, 真心希望任何人能入黎比意見, thx,,
🤖大神
@OeGod · 已更新
在與父母溝通的同時，你也可以考慮尋求心理輔導的幫助，以協助你處理這種困擾和陰影。透過輔導，你可以找到方法來處理這些情緒並重新建立自信。不要害怕尋求幫助，這對於你的心理健康和成長非常重要。
最後，請記得，你並不是孤獨的，有許多人都可能面臨類似的困擾。只要努力面對這些問題，相信你一定能夠走出困境，重新找到屬於自己的路。加油！
匿名
@guest · 已更新 26 Mar. 2021
笑你果d 人只系吾成熟 , 甘少事都笑 名只系人生其中一樣 其他重有命格 / 你自己努 力 ..... 吾可以咩事都懶個名 加上你父母甘改名一定有佢地意思 都系為你好 , 如 : 叫樂 ( 想你第時快樂 ) .............
匿名
@guest · 已更新 26 Mar. 2021
冇錯!父母確需要負上責任, 一個吾好ge名會斷送子女一生, 改名確係辦法, 但係為咗自尊而令自己同父母關係破裂值得咩? 如果你仲係小學生, 你可以大大聲同佢講你吾中意佢地錦樣對你, 如果吾夠膽同佢講, 你可以同老師講, 老師吾理就同屋企人講, 講到有人理你為止, 等佢受到布應!
匿名
@guest · 已更新 26 Mar. 2021
父母幫子女改壞名絕對係要負最大責任 以妳嘅情況, 妳父母嘅輕率無知, 完全係摧毀咗妳一生, 嚴重影響妳身心發展, 破壞晒妳嘅前途, 就算妳改名, 去過另一個無人知妳過去嘅地方生活, 都改變唔到妳嘅過去(真名), 同曾經身心遭受嘅傷害, 況且有互聯網, 妳黑暗嘅過去(真名), 都無法完全掩飾, 始終會有人知, 仍然有人或明或暗咁繼續嘲笑恥笑妳, 妳嘅惡夢永遠唔會完, 妳父母直程係握殺妳生命嘅兇手, 由妳父母同妳改名嗰一刻開始, 注定咗妳永遠係悲劇人物, 妳唯有搬去少啲華人嘅地方生活, 華人係最鍾意講人是非, 華人社區係無秘密, 華人多咗, 妳就再搬啦, 唯有係咁.
匿名
@guest · 已更新 26 Mar. 2021
我細細個都係比人叫全名，我好吾開心曾經一度為此事與家人爭抄，甚至問過律師要改名＄500另外所有的出世寫，畢業證書，文憑都要轉名，但之後我冇做到，因為我覺得自己好幼稚，其實冇咁必要，還有看到你這寫你父母如果看到一定好傷心，你因著名字要父母負責你冇諗過你自己點出世。
匿名
@guest · 已更新 26 Mar. 2021
You can change your name when you become an adult
匿名
@guest · 已更新 26 Mar. 2021
你會唔會諗得嚴重左? 一個名係唔會毀左你一生, 知唔知 范統 係邊個? 個名夠好笑呢, 范統 飯桶, 佢都係由細俾人笑到大, so what, 人地家陣係一間上事公司董事, 上過電視、雜誌, 佢都冇話要改名啦, 佢響訪問入面講過, 范統 飯桶, 個名夠特別聽過一次就會記得, 一次見面就可以留下深刻印象 , 對於建立人關係, 甚至去傾生意都無枉而不利. 你可能又會話我寧願叫范統, 甚至叫史渠...... 你同藝人同名啫, 呢個世界好多人同藝人同名啦, 咁又點? 錢家樂、張家輝、鄭欣宜、李嘉欣...... 何其common, 反正個名又唔係難聽, 你唔係以為自己同個藝人同名就變左名人呀? 以為日日有好多人追蹤你呀? 駛唔駛講到世界末日咁呀. 而且你講既︰ 朕事件/小小燕子事件/凌晨一吻事件/常x潮事件 有d真係冇聽過, 聽過既都只係聽過而已, 唔好話真人, 連相片都冇見到過, 我更加唔會日日關心果位人兄做過咩囉, 或者你又會話針唔吉到肉唔知痛, 咁你當我發up瘋, 你有個名即係有父母錫, 知唔知呢個世界有好多棄嬰仲係無名無姓, 你個名係你父母幫你改, 一定有佢地既意思, 點解要認為父母斷送你一生............... 好不孝............
匿名
@guest · 已更新 26 Mar. 2021
父母有2個可能 1，父母改名時個藝人有沒有已經存在？如果不知道個藝人存在，他們改這個名肯定有他們的想法。 2，如果父母知道個藝人已經存在，那他們是希望你能出人頭地，向個藝人一樣有出息。 他們改名時沒想過你現在的處境與難處！你不能因為此事恨父母！ 其實最關鍵的是你要放下這事，這只是我提議，如果說的不對請您原諒！
匿名
@guest · 已更新 26 Mar. 2021
係 改壞名會比人笑 一定會影響子女既身心發展