現年21歲,對自己的前途感到十分迷茫,真心懇求解答
匿名
@guest · 已更新 26 Mar. 2021
現在我21歲了,剛讀完hpcc的會計高級文憑. 可是,最近出了最後一個學期的成績,有一科(審計)要重讀,當時真係好難受,整晚訓唔到,重讀故然要交錢,佢仲未通知我要交幾多,但我上討論區睇過重讀一科最多5千,1學分好似要成千幾. 選擇重讀的話: 1.交該科的錢 2.約半年的時間(重讀+重考) 3.重考合格的話,可能要再等多半年先俾畢業証書(總共1年) *如果重考合格,我唔知係要一年後佢先俾畢業証書or合格左之後即俾(即是半年),我暫時當佢要一年. 不過,我真正的煩惱係重唔重讀好. 其實當初選會計係因為家人建議,當時自已 dse成績一般般,合格,又唔知自己想點/想做咩,當時係想讀一d有關工程既課程,但家人 不太支持,自己想法又唔堅定,目標又唔清晰,於是就聽左家人的建議. 後來開始讀左3個月左右已經想放棄,因為我感到自己完全不喜歡會計,而且有小小討厭,但家人反問我(唔讀咁你想讀咩做咩)...我答唔出. 結果捱到最後,卻因為fail了一科而已,就可能再用多一年時間,真心我不太想. 就算重讀完合格拎到畢業証書,但我真心唔想做會計呢行. 我已經浪費了家人10萬多元,但又要+多幾千元重讀同約一年時間. 如果唔重讀,我有點打算想去建造業議會讀:建造業監工／技術員課程 的土木工程監工文憑.2年制,若果完成之後就是23歲,,朋友和家人同我講地盤好危險好辛苦,好易有意外發生,去做=真係用條命去博,比佢地咁講,真係有小小退縮,但係內心係有衝動想去讀,去做,去挑戰. 我想盡快出黎賺錢還番俾家人的10萬多元,仲有想去做一份比較上自已願意的工作,有屬於自己的專長,我現在想番起呢21年,發覺自己好無用...又無一個特別技能,真係好擔心自己既未來,自己既人生路,好傍惶. **我煩惱我重唔重讀好,定或者去建造業監工／技術員課程,用多2年時間... 我十分十分希望你地可以俾我意見, 聽下你地既想法/睇法, 過來人既觀點, 或分析/指點. 我真心渴望得到你地既回應,無論什麼都好,都想你地回覆,諷笑我也好,罵我也好,都無問題,只想知道你地既睇法,因為這事關我的前途,我的人生,我真係好擔憂, 懇求你們!!!!!!
🤖大神
@OeGod · 已更新
對於重唔重讀的問題，我認為你應該深入思考自己的興趣和目標。從你的描述來看，你對會計這個行業並不感興趣，而且從一開始就是家人的建議而非你自己的選擇。如果你對會計沒有興趣，再投入一年的時間和金錢去重讀可能並不是一個明智的選擇。
相反，你對建造業監工／技術員課程似乎有著更大的興趣和熱情。即使朋友和家人提到這個行業存在風險和辛苦，但是你的內心仍然有著強烈的衝動和挑戰性。如果你真心希望盡快進入一個比較符合自己興趣和專長的行業，那麼考慮轉向建造業可能會是一個更好的選擇。
最重要的是，你需要為自己的未來做出最適合自己的決定。不要因為他人的期望而選擇一條你不喜歡的道路。你還年輕，有足夠的時間去探索和尋找真正適合自己的方向。希望我的回答能對你有所幫助，祝你好運！
匿名
@guest · 已更新 26 Mar. 2021
收到了好多的意見,這一點我十分感謝,真的 你們的意見令我對自己接下來清楚了好多,只差一科而已,為何不走下去?再者,沒做過相關工作,就說不喜歡,這不行!根本沒資格說不喜歡! 你們令我有這感悟 現在的打算就是 先重讀 別半途而廢 同時,找兼職,最好是相關會計 畢竟fail是自找,要對自己的懶惰負責任 提外話 之前跟幾個要好的朋友訴苦,結果一d唔理,一d一聽就知敷衍. 有點心淡,平時吃喝玩樂就一起嘻哈,一有煩心事就..時下香港人好似無咩人情味. 不過,唔可以咁話人,尊重別人先至重要,我只是舒發而已 你們用心比意見我,我好感動,其實香港仲係有人情味.謝謝你們. 如果你們/其他人 有意見,我還想聽更多
匿名
@guest · 已更新 26 Mar. 2021
1. 無興趣, 就應該盡早同屋企人講要求退學, 作為一個 18 歲以上, 有獨立思考能力的人, 你當初堅持要報建築課程的話, 家人可以响會計課程的申請表上面代你簽名冒你簽名咩? 簽名的落筆人係你, 你就要為你的行為同選擇去負責任. 2. 依家你讀到最後一個學期, 你先至想話放棄? 洗濕左個頭仲搽埋洗頭水起晒成頭泡泡, 你以為你仲可以選擇當無左件事? 唔洗都已經洗左十餅野, 講真唔差在再拎多五差野出黎搏翻身啦. 搏到之後就叫做拎到張沙紙, 衰極都算係有個 "等同中五中六畢業" 的學歷, 搏唔到都可以同屋企人講已經試過 RETAKE 重考叫做盡左力去嘗試. 3. 建築公司都會請會計文員同埋普通文員, 你真係想做建築, 可以用文員的身份加入建築業, 唔一定係戴安全帽揸鎚仔做工人工頭先至算係撈地盤. 4. 地盤啫, 又唔係上戰場, 大把人做左十幾年地盤工都仲係 "生勾勾" 行得走得, 真係命中註定要你死的話, 行出街都會俾醉貓酒鬼司機撞死啦. 5. 想轉科或者重讀都好, 唔該你諗吓有無方法係半工讀, 就算只係逢星期六星期日走去雞記老麥搵份 "HEA" 工返 4-6 個鐘賺吓車錢電話費, 都叫做好過攤大對手做伸手黨問屋企人攞錢洗. 6. 我中四開始就周維填表申請助學金書簿津貼, 放暑假果時好彩响黃金搵到間電腦公司做打雜售貨員, 後來同老闆講逢星期日都會返鋪頭做幫工, 聖誕新年呢啲長假期又走去返工, 直到間電腦鋪執左先至要再搵過另一份工. 基本上我除左幼稚園的學費係屋企人俾之外, 小學中學大學的學費, 都係靠申請政府資助同埋自己搵兼職去賺返黎的. 7. 我大學係讀製造工程, 依家做緊物流文員, 學生時代的理想係做一個 PROGRAMMER, 理想同現實, 有時可以相差好遠, 唔係個個人都可以揚名立萬或者係遺臭萬年, 其實大部份的人的一生都只係平平凡凡地渡過 ... ... 8. 順便打個小廣告, 你身邊有無女仔朋友想拍拖, 有的話不妨介紹俾我, 哈哈!
匿名
@guest · 已更新 26 Mar. 2021
PAET-TIME做會計相關/建築相關工作 了解自己對呢兩份工既睇法 或者係其他工作都可以有更多人生經驗 同時讀埋個會計 做人唔可以咁半途而廢 如果你好唔鍾意都忍到 咁你係一個有耐力既人 同埋都唔係好耐 重讀應該易D PASS 完成左家人既期望先再做自己想做既事 我同你差唔多 我岩岩畢業出黎搵工 都發現讀果科唔一定想做果科既工 你以為你岩 原來都可以錯 所以我認為最好既方法係去試 去見多D 相關既人同事 最好自己有機會動手 讀埋個會計先 起碼對家人有交代 而且第日都有D 籌碼係手搵食 我見過有人讀讀下U 半途而廢 高不成 低不就 明明差少少拎個DEGREE係手 但係又唔讀埋果少少 搞到自己同中學畢業冇分別 出到黎又冇工作經驗 又冇學歷 總結 唔好搞到自己兩頭唔到岸 上左一個岸先 再整裝待發 去更遠既地方
匿名
@guest · 已更新 26 Mar. 2021
會計高級文憑:吾一定要系貴COURSE 讀 ERB / 明愛 都有.......... 我已經浪費了家人10萬多元??? 吾系甘在意錢, 最重要系你前途 ( 你父母只想你開心/ 你找你你目標) 如果系好父母系吾會介意你搵幾多錢
匿名
@guest · 已更新 26 Mar. 2021
睇完你成篇文,我只諗到一句比你:Follow You Heart,順從你的心意! 講真,每個人都有佢自己的一道門,門裡面收藏的係你永恆的熱誠,你不息的 幹勁,依道門只有你自己的鎖匙先打得開,你家人比你的鎖匙,無論點試都無 可能打得開,因為同你的門根本唔符合. 所以唔該你囉番你果把塵封已久的鎖匙,相信你自己,因為只有佢先可以開到 你的門,只有佢先可以釋放你遺失已久的熱誠和幹勁,所以唔該你將家人比 你的鎖匙恨恨咁丟走.不係就係不係,何必強加於人! 講真,世上無難事,只怕有心人!無錯你係哂左一年,但你亦要多謝你過去的 一年,因為佢話比你知,你根本唔鐘意你過去的一切,過去受制於人的一切, 過去叛逆自己的一切......所以...............................................................唔 該你Follow Your Heart 你先係你生命的主人,其他人根本無權阻止你追逐你自己的夢想.無錯,你會 用多2年時間讀,但你的執著會證明一切都係值得.無錯,依份工的確危險,但你 的熱誠會戰勝一切. 講真,只要有恆心,鐵柱磨成針.用幾多時間根本唔係重點,重點係值唔值得 同你肯唔肯搏 所以我只有一句比你-FOLLOW YOUR HEART.你的路應該由你自己來開創.
匿名
@guest · 已更新 26 Mar. 2021
其實你有冇諗過audit/account係咪真係自己有興趣? 有冇試過apply internship做下實習? 相信internship的過程你會聽到好多行內的好與壞, 同時間你都可以了解下自己 究竟之後想做d咩類型的行業. 如果發現自己對呢行根本就冇興趣 就唔好浪費時間考 直接轉讀其他 做其他行業 唔知呢d建議幫唔幫到你啦 wish u all the best