男朋友因為我的衣著嬲咗我
匿名
@guest · 已更新 26 Mar. 2021
男朋友近排忙於工作, 早幾日難得同佢食餐晚飯, 所以嗰日我特登放工後回家換咗件新買嘅上衣, 諗住著比佢睇吓, 件衫係全白色質地較薄, 由領口到胸口都有lace, 所以男朋友一見到, 就話件衫透, 連*****的形狀都睇到, 問我點解咁著都唔覺得有問題, 係咪比其他男人望都得....我同佢講其實我覺得件衫唔係咁透,好多女仔夏天都會著得比較薄啦, 所以之前已經穿了兩次,....跟住成餐飯佢全程冇同我傾計, 唔望我。食飯後同佢行到地鐵站附近, 佢便撇低我走咗, 走前講咗句"你繼續著啦" 呢啲悔氣話。 之後我text佢就知佢又係好似平時嬲我的情況咁block哂我whatsapp, delete我wechat, 電話就一定唔聽啦! 我想問吓大家意見, 係咪男人都會為呢類小事嬲成咁呢? 我男朋友係小器嘅人, 佢嬲嘅話就會去到好盡, 斷絕所有通訊....我應該點樣氹番佢呢?
🤖大神
@OeGod · 已更新
匿名
@guest · 已更新 26 Mar. 2021
男友已經冇block我whatsapp,尋日終於肯回我，我以為佢已經唔嬲, 但係佢態度冷淡咗好多, 我whatsapp問佢可唔可以打電話talk talk佢又唔覆我, send咗張相比佢睇我買咗份禮物比佢，佢反而叫我唔好浪費錢, 話我無錢要save money⋯直頭一盆冷水照頭淋！ 今日whatsapp佢都有回幾句, 都係我主動的，但到晚上後再text佢又無覆，到而家為止我都唔敢打電話比佢，我驚佢唔肯聽電話，我個心好忐忑，唔知而家呢個狀態可以點做好....請大家指點一下！
匿名
@guest · 已更新 26 Mar. 2021
你男友小5小器外人唔方便判斷,但可以用旁人角度幫你分析件事. 你話你男友覺得你禁著好透但你唔覺得,旁觀者會覺得你男友唔鍾意你著係緊張你,但你本身係諗住佢會讚你令,但得到既結果就係俾佢話,你當然唔開心,但你男友點解要嬲你,旁觀者會覺得你男友係因為太緊張你,在乎你所以佢見到你著件(係你男友眼中)覺得透既衫出街會俾人睇蝕晒,其實佢都係所謂既(愛之深,責之切),試問有邊個男仔會鍾意自己女友俾人 睇蝕晒?當然你話好多女仔都會著得比較薄啦係有你既道理,但佢地男友亦有可能好似你男友咁嬲左佢而你唔知,亦有可能有其他情侶會因為咁而分手而你都唔知,而且你話你之前已經著過兩次,禁你男友緊係會覺得你已經俾人睇蝕左2次,而且你唔係第一次著就已經係俾佢睇,禁你男友嬲都好正常,佢封晒你whatsapp,wechat其實都算係嬲既行動,以示不滿,每個人嬲起上尼都有可能會做d自己都未必會做既野,而且你男友都唔係第一次..未必個個男人都會為列d事嬲成咁,我估你男友係嬲你覺得列d係小事,係男仔心目中邊個會覺得(男人認為)自己女友俾人睇蝕晒係一件小事?你想氹番佢不如等幾日然後再sd個sms向佢道歉,而且應承唔再著列d禁透既衫可能會有灣轉 2014-06-25 19:38:05 補充： 首先你同佢而家嘈左交所以就算你送野俾佢佢都未必會接受,原因可能係因為佢覺得如果接受左你既禮物=原諒你,佢了解你既經濟能力所以佢覺得你晒錢買禮物哄佢不如你草埋d錢,然後用其他比較經濟什至唔洗錢既方法去哄佢,當然你覺得一盆冷水照頭淋,感受一定唔好,但你要諗下你咁著俾佢睇果陣難道佢既感覺唔係一盆冷水照頭淋嗎?所以我建議你可以嘗試搵其他經濟d什至唔洗錢既方法哄番你男友,我相信如果你男友唔係諗住同你分手既話只辰你哄多佢幾次佢祇 該唔會再嬲你,男仔都需要人哄的.只係男仔比人感覺堅強,就算佢地想人哄都唔會開聲,會俾人覺得佢地軟弱,但男仔都係人,佢地一樣會有需要人哄既時候,只係唔好意思開口,你哄多佢幾次吧,比 2014-06-25 19:38:58 補充： d耐性.而家呢個狀態我建議你暫時繼續保持whatsapp聯絡,有得用whatsapp聯絡總好過連whatsapp都封埋你,其實件事已經好左d,佢無回你可能佢收唔到,亦可能佢唔得閒所以唔回你,你再whatsapp多佢幾日,等係適當時候再問可5可以打電話/約個時間見面同佢傾下..
匿名
@guest · 已更新 26 Mar. 2021
其實事件中都睇到 1) 男朋友會用佢自己的角度去緊張你 2) 你地有意見不合時會有不同的處理方法 正如樓上有人講, 冇男仔會鍾意女朋友比人睇蝕... 所以男朋友嬲都係正常......而你著新衫見佢, 都係重視呢個人... 不過大家都只係從自己的角度去睇~ 而佢唔想你再著呢D衫...之前有冇同你傾講??? 例如佢有冇講話自己唔鍾意女朋友咁著? 如果乜都冇講就已經咁大反應......似乎佢都唔係好願意聽你的解釋... 只是一意孤行要你聽佢的意見..... 而佢平時嬲就會BLOCK曬你的whatsapp/wechat等等... 都係一個「不願溝通」的表現....如果出現問題唔願意去傾...... 只係等佢鍾意就搵返你.....似乎佢都未必真係好願意令大家有平等的溝通呢.... 如果你真係想tum返佢~你可以自行決定係咪真係唔再著果d衫~ 不過長遠下去...你地之間的溝通模式都需要改善.... 否則每次有意見不合的時候........佢又block你, 你又求佢.... 大家的關係只會係不斷的吵鬧....復合.......................... 你都將自己的感受同佢傾下....你都好緊張呢段關係~ 不過有時都要雙方的互動, 尊重, 體諒先可以維持下去呢~!
匿名
@guest · 已更新 26 Mar. 2021
走前講咗句"你繼續著啦" 呢啲悔氣話: 如系我: 我會同佢嘈 , 著咩衫有我自由 有咩要聽佢講.... 佢一件事可以甘話你: 以後件件事都可以系甘: 吾滿意你 你自己做人要有原則 吾好人想你點就點 你自己都有情緒 / 感受, 佢有冇理你 如果有: 你鐘意著, 佢會由你著, 吾會甘煩
匿名
@guest · 已更新 26 Mar. 2021
BUT I CANNOT!!!!!!!!!!!!!!! YOU CAN FIND ME!!!!!!!!!!! BE MY GIRLFRIEND????????????
匿名
@guest · 已更新 26 Mar. 2021
睇你點著囉~ 我男友有時都吾俾我著~ pm傾點氹返