點可以做個有品有EQ既人
匿名
@guest · 已更新 26 Mar. 2021
我做人好直接,做咩都從心出發,但亦係咁,自己較難認識朋友,亦較難與別人相處,我相信每次不愉快也是跟自己的脾氣有關,冇錯,直接發洩可抒發自己,但卻令人令己難受,我每次踢完波,永遠都唔會開心,因為自己有太多埋怨,做人又經常遇不悅事後,每次也是怨天尤人,可能是這樣,天也罰自己,現在回想,可能我又進步了,經一事,長一智,由開始懂得思想後,我也是控制不了自己的脾氣,有什麼事不悅也先發洩,所以也經常令自己鑽牛角尖,所以,我要學懂豁達,學習做個有品人,但可以點實行同學習
🤖大神
@OeGod · 已更新
匿名
@guest · 已更新 26 Mar. 2021
睇你既描述, 你知道自己問題係邊, 呢個係一個好開始 你要記住, 每次發脾氣之前, 要設身係其他人既角度諗下, 如果人地咁樣對自己, 你會點諗? 對事情會唔會有幫助? 好多時候, 就係因為你既一聲埋怨, 結果會更加糟 不悅既事件係在所難免, 用返你既例子, 你踢波踢到唔開心係咪因為過於緊張勝負?如果將想法扭轉一下, 踢波係為左同朋友切磋, 係為左減壓, 輸贏只係其次, 無左呢個壓力, 精神都唔會咁緊張. 通常一個EQ高既人, 就係最明白"take it easy"既道理. 人生就好似過山車咁, 總會有起有跌, 而果D低潮正是你既學習機會, 一路順境人係唔會進步的. 與其埋怨人地, 不如咩都唔好講慳返D氣力, 實事求是, 唔好俾衝動憤怒矇蔽自己, 因為呢D負面情緒係會令人判斷力下降既. 你要記住,做好自己既本分就得架喇. 我唔係主張唔發洩, 而係應該係唔傷害人(心理OR身體)既前提下先好發洩, 點解人地話唇槍舌劍, 就係因為言語傷人既威力好比槍劍, 到時你傷害既唔係人地既身體, 而係成段友誼, 如果你珍惜你同朋友之間既關係, 就要記住呢一點 ps 睇動漫既話通常D能幹既角色都係冷靜型既, 可以以佢地做榜樣啊
匿名
@guest · 已更新 26 Mar. 2021
你已經知道自己的弱點是什麼,同時亦有決心改善,應該係好事吖! 做到有品同有eq不是太難,最重要有自知之明同有決心改善,呢兩點你應該已經開始想到咯! 希望自己多d朋友,亦希望自己開心d,其實唔係難,你都知道因為你做人太直接,自己想點就點,從來唔理別人的感受,而且遇到困難時就只會怨天尤人,咁當然人人都怕接近你啦,又點識到朋友喎! 你希望學懂豁達,做個有品味的人,首先就要控制自己的脾氣,就萛唔開心都先忍一忍,所謂退一步海濶天空,冷靜下來就不會鑽牛角尖了! 做人當然要胸襟廣濶,何必要為了雞毛蒜皮的小事大發脾氣呢? 應該知道就萛發脾氣都一樣於事無補,所以遇到不如意的事就一笑置之萛啦,當你心平氣靜的時候,自然就可以想到解決的方法了! 希望人際關係好d同受到別人歡迎,首先要設身處地的為他人著想,如果你唔開心就黑口黑面發脾氣又點會受到歡迎,別人無端端黑口黑面對自己一樣唔高興啦,係嗎? 人類係群體社會,人與人之間需要互相合作,好多野都唔可以獨行獨斷,任何人都有機會犯錯,對別人小小的錯失要多d包容體諒,事情過去就不要再埋怨,更加不要習慣事事都喜歡批評挑剔別人的錯失呀! 如果你做到時刻笑臉迎人,對人親切友善,事事為人設想,樂於助人的話,一定處處歡迎,又點會無人肯同你做朋友呢?
匿名
@guest · 已更新 26 Mar. 2021
有品有EQ既人 :# 人際關系 / 社交處理得好 # 懂得理朋友 / 他人感受 # 說話技巧 要好 , 變通 / 圓滑 ( 有 d 說話系吾講得 , 會 hurt 到朋友 .....)
匿名
@guest · 已更新 26 Mar. 2021
你可以選擇較下層工作做，呢類工種最容易找，幾乎係人都可以指使你做嘢，係上頭都可以發你老脾，久而久之你就學會如何逆來順受，你個人喜怒哀樂就唔會寫哂係你面上，你有睇過007電影嗎﹖阿邦哥無論如何擊鬥，表情始終如一，這就是EQ。